Ժողովուրդ». ՃՈ-ի պահանջով Վարդան Այվազյանից կբռնագանձվի կես միլիոն դրամ

Ժողովուրդ»–ը 2015 թվականի նոյեմբերի 11 –ին գրել էր, որ ճանապարհային ոստիկանությունը կես միլիոն դրամի բռնագանձման պահանջով դատական հայց է ներկայացրել Աժ ՀՀԿ խմբակցության անդամ Վարդան Այվազյանի դեմ։ Անցած տարվա սեպտեմբերի 23-ին ճանապարհային ոստիկանությունը դիմել է ՀՀ   վարչական դատարան՝ պահանջելով Աժ պատգամավոր Վարդան Այվազյանից բռնագանձել 500 հազար դրամ։ «Ժողովուրդ»–ին հայտնի դարձավ որ ՀՀԿ-ական պատգամավորը կես միլիոն դրամ տուգանքի է արժանացել, քանի  որ իր «Bently»  մակնիշի  187ՕՕ11   համարանիշի    մեքենայով Երևան-Սևաև ավտոճանապարհին  թույլատրելի 90  կմ/ժ արագությունը կրկնակի գերազանցել է և ավտոմեքենան վարել է 183 կմ/ժ արագությամբ։ Դատարանը բավարարել է ՀՀ ճանապարհային   ոստիկանության   հայցը, պատգամավորից   պահանջել  է  վճարել կես մլն դրամ տուգանքը»,–գրում է թերթը։

Աղբյուրը՝ http://www.tert.am/am/news/2016/01/30/joghovurd3/1915948