Պակիստանցին փորձել է ապօրինաբար հատել հայ-թուրքական սահմանը

Հայաստանի Հանրաապետությունում Ռուսաստանի Անվտանգության դաշնային ծառայության սահմանապահ վարչության աշխատակիցները ձերբակալել են սահմանախախտի, որն ապրինաբար հատել է հայ- թուրքական սահմանը: Այս մասին NEWS.am–ին հայտնել են ՀՀ-ում Ռուսաստանի ԱԴԾ սահմանապահ վարչության մամուլի ծառայությունից:

Ըստ հաղորդագրության, հանգստյան օրերին Արտաշատի սահմանապահ ջոկատի սահմանապահները Արաքս գետի ափին աշխատող տեղի բնակիչներից տեղեկություն են ստացել, որ անհայտ մեկը ոտքով շարժվում է սահմանագծից դեպի Հայաստանի տարածք:

Սահմանապահների խումբը անմիջապես արձագանքել է:

Սահմանապահների գործողություններին զուգահեռաբար դեպքի մասին տեղեկացվել են ՀՀ բոլոր ուժային կառույցները, ժողովրդական կամավորական դրուժինայի անդամներն ու տեղի բնակիչները:

Ժողովրդական կամավորական դրուժինայի կազմակերպված գործողությունների արդյունքում Արաքսավան բնակավայրի տարածքում անհայտ անձը ձերկաբալվել է ու փոխանցվել Ռուսաստանի սահմանապահներին:

Նախնական հարցաքննության ժամանակ ձերբակալվածը պարզաբանել է, որ Պակիստանի քաղաքացի է, 1998-ին ծնված ու մտադիր էր Հայաստանի տարածքով հասնել Եվրոպա:

Այդ նույն օրը ֆիլտրացիոն միջոցառումների անցկացումից հետո, սահմանախախտին սահմանված կարգով հանձնել են ՀՀ Կառավարությանն առընթեր ԱԱԾ աշխատակիցներին, որոնք ստուգում են ձերբակալվածի անձը ու պարզում այս իրավախախտման բոլոր հանգամանքները: