Ռուբեն Հակոբյանի համբերության բաժակը լցվեց.
Նա դուրս եկավ <Ժառանգությունից> Վերջին շրջանում իմ և Րաֆֆի Հովհաննիսյանի մոտեցումները թե՛ արտաքին, թե՛ ներքին և թե ներկուսակցական կազմակերպական հարցերում սկզբունքորեն տարբերվում են, ինչն անարդյունավետ է դարձնում մեր համատեղ թիմային աշխատանքը։ Մեծ հարգանք ունեմ Րաֆֆիի անձի նկատմամբ և չեմ ցանկանում, որ մեր քաղաքական տարաձայնությունները բացասաբար անդրադառնան «Ժառանգության» և, մասնավորապես, Րաֆֆի Հովհաննիսյանի քաղաքական ծրագրերի իրականացմանը։ Դադարեցնում եմ անդամակցությունս «Ժառանգություն» կուսակցությանը, ինչպես նաև վայր դնում խմբակցության ղեկավարի լիազորությունները։ Շորհակալություն եմ հայտնում «Ժառանգության» բոլոր անդամներին՝ վերջին տարիների մեր համատեղ գործունեության համար։ Այս մասին Ռուբեն Հակոբյանը գրել է իր ֆեյսբուքյան էջում: Հիշեցնենք, որ դեռ երեկ լրագրողների հետ զրույցի ժամանակ պատգամավորը հերքել էր իր` <Ժառանգությունից> դուրս գալու մասին լուրերը:
