Երևանում զինվորական զրահամեքենա է այրվել
Երևանի Դավիթ-Բեկ փողոցում, այսօր՝ հունիսի 20-ին, առավոտյան ժամը 8։40-ի սահմաններում հրդեհ է բռնկվել Զինված ուժերին պատկանող զինվորական զրահամեքենայում: Այս մասին Tert.am-ի հետ զրույցում ասաց ՊՆ մամուլի խոսնակ Արծրուն Հովհաննիսյանը:
Tert.am-ի հարցին, թե ինչպես էր զինվորական զրահամեքենան հայտնվել Դավիթ-Բեկ փողոցում, Հովհաննիսյանն ասաց, որ մեքենան հրդեհվել է տեղափոխման պահին: Այրվել է մեքենայի շարժիչը: Թե ինչն է եղել հրդեհի պատճառը, դեռ չի հաջողվել ճշտել:
Դեպքի վայր մեկնած հրշեջները մեքենայի շարժիչում առաջացած հրդեհը ժամանակին կարողացել են մարել: Տուժողներ չկան:
Աղբյուրը` http://www.tert.am/am/news/2016/06/20/zrahameqena/2055110
