Դաշնակցական նախարարները նշանակվեցին. Աշոտյանը ազատվեց

Նախագահ Սերժ Սարգսյանն արդեն նշանակումներ է կատարել մի քանի նախարարություններում, հրամանագրով կիսել Տարածքային կառավարման եւ արտակարգ իրավիճակների նախարարությունը։

Ղեկավարվելով 2005 թվականի փոփոխություններով Հայաստանի Հանրապետության Սահմանադրության 85-րդ հոդվածի 6-րդ մասով, հիմք ընդունելով «Հայաստանի Հանրապետության կառավարության կառուցվածքի մասին» Հայաստանի Հանրապետության օրենքի 1-ին հոդվածի 1-ին մասը եւ Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրով հաստատված՝ Հայաստանի Հանրապետության կառավարության եւ նրան ենթակա պետական կառավարման այլ մարմինների գործունեության կազմակերպման կարգի 7-րդ կետը՝ Սարգսյանը որոշում է կայացրել Հայաստանի Հանրապետության տարածքային կառավարման եւ արտակարգ իրավիճակների նախարարությունը վերակազմակերպել՝

- Հայաստանի Հանրապետության տարածքային կառավարման եւ զարգացման նախարարության,

- Հայաստանի Հանրապետության արտակարգ իրավիճակների նախարարության:

Արմեն Երիցյանը ազատվել է ՏԿԱԻ նախարարի պաշտոնից եւ նշանակվել է արտակարգ իրավիճակների նախարար:

Արմեն Աշոտյանը ազատվել է կրթության եւ գիտության նախարարի պաշտոնից, նշանակվել է դաշնակցական Լեւոն Մկրտչյանը։

Կարեն Ճշմարիտյանը ազատվել է էկոնոմիկայի նախարարի պաշտոնից, նշանակվել է Արծվիկ Մինասյանը։

Դավիթ Լոքյանը նշանակվել է տարածքային կառավարման եւ զարգացման նախարար։

Լուրեր Հայաստանից — NEWS.am