Գյումրիում թունավորվել են ընտանիքի երեք երեխաները
Տարածքային կառավարման և արտակարգ իրավիճակների նախարարություն հունվարի 29-ին՝ ժամը 22.10-ին տեղեկատվություն է ստացվել, որ ժամը 21.30-ի սահմաններում թունավորման նախանշաններով Շիրակի մարզի Գյումրի քաղաքի Ավստրիական մանկական հիվանդանոց են հոսպիտալացվել Ռեպինի փողոցի թիվ 8 շենքի բնակարաններից մեկի բնակիչներ 15-ամյա Ա. Պ.-ն, 11-ամյա Հ. Պ.-ն եւ 1-ամյա Հ. Պ.-ն:
NEWS.am-ին հիվանդանոցից տեղեկացրին, որ երեխաները թունավորվել են շմոլ գազից, նրանք հունվարի 29-ին անհրաժեշտ բուժօգնություն են ստացել եւ դուրս գրվել հիվանդանոցից:
