Կարեն Ճշմարիտյանը գազի գինը նվազեցնելու նախադրյալներ է տեսնում
Եթե ՌԴ-ից Հայաստանին մատակարարվող գազի գինը նվազեցնելու նախադրյլաներ չլինեին, ՀՀ կառավարությունը դժվար թե դիմեր ռուսական կողմին: Այդ մասին կառավարության նիստից հետո լրագրողների հետ զրույցում նշեց ՀՀ էկոնոմիկայի նախարար Կարեն Ճշմարիտյանը:
«Կառավարությունը դիմել է, և երբ պատասխանը լինի, բոլորս կիմանանք: Աներկբա է, որ էներգակիրների գները տնտեսության համար կարևոր նշանակություն ունեն: Կարծում եմ, որ մեր տնտեսվարողների, մանավանդ նրանց համար, ովքեր գազի մեծ սպառողներ են, այդ հնարավորությունը չօգտագործելը սխալ է»,- Արմենպրեսի հաղորմամբ՝ ասաց նախարարը:
Հարցին՝ կա՞ն նախադրյալներ, որ ռուսական կողմը չի մերժի գազի գինը նվազեցնելու հայկական կողմի խնդրանքը՝ Ճշմարիտյանը պատասխանեց. «Նախադրյալներ կան, որ չեն մերժելու, եթե նախադրյալներ չլինեին, կառավարությունը դժվար թե դիմեր»:
Աղբյուրը` http://orer.am/?p=165082&l=am
