Քրիստոս ծնավ եւ հայտնեցավ, Մեզի եւ Ձեզի մեծ ավետիս…

Հունվարի 6-ին մարդիկ իրար ողջունում են «Քրիստոս ծնավ եւ հայտնեցավ, Մեզի եւ Ձեզի մեծ ավետիս» բարեմաղթանքներով

Հայ առաքելական եկեղեցին հունվարի 6-ին, նշում է Հիսուս Քրիստոսի Աստվածհայտնության եւ Սուրբ ծննդյան տոնը:

Հայկական եկեղեցին միակն է, որ Քրիստոսի ծնունդը նշում է հունվարի 6-ին:

Հունվարի 5-ին բոլոր եկեղեցիներում տոնական պատարագ (Ճրագալույց) է մատուցվել` ի նշան Սուրբ ծննդյան հայտնության: Մարդիկ եկեղեցիներից վառված մոմեր են տանում եւ նշում են Սուրբ Ծնունդը: Հունվարի 6-ի առավոտյան հայկական եկեղեցիներում Սուրբ պատարագ է մատուցվում, ապա Ջրօրհնեք է կատարվում:

Այսօր մարդիկ իրար ողջունում են «Քրիստոս ծնավ եւ հայտնեցավ, Մեզի եւ Ձեզի մեծ ավետիս» բարեմաղթանքներով:

Հայ առաքելական եկեղեցու օրացույցով Սուրբ Ծննդին նախորդում է մեկշաբաթյա պասը` դեկտեմբերի 30-ից հունվարի 5-ը:

Իսկ հունվարի 7-ին Հայաստանում Մեռելոց է: