Ցուցարարները պատգամավորներին ընդունեցին ջերմ ողջույններով, իսկ Աշոտյանին…

Տարբեր քաղաքական ուժերի ներկայացուցիչ ներկա եւ նախկին մի շարք պատգամավորներ եկան Բաղրամյան պողոտա, որպես կենդանի պատ հանդիսանալու համար ոստիկանների ու ցուցարարների միջեւ:

Պատգամավորներն իրենց խոսքում նշեցին, որ նրանք չեն եկել հավաքված ժողովրդի փոխխարեն բանակցելու համար, իրենց նպատակը մեկն է` պատնեշ հանդիսանալ ցուցարարների եւ ոստիկանների միջեւ, որպեսզի բախումները չունենան կրկնողություն:

Նշենք, որ մինչ պատգամավորների ժամանելը եւ այս պահը անհասկանալի պատճառներով անջատվել են Բաղրամյան փողոցի լույսերը:

Հավելենք նաեւ, որ այստեղ է նաեւ ԿԳ նախարար Արմեն Աշոտյանը, ում նկատելուն պես հավաքված հանրությունը «հեռու ուղարկեց» ամենավերջին բառերով ու հայհոյանքներով, իսկ հավաքված պատգամավորներին բուռն ողջույններով:

ՏԵՍԱԴԱՐԱՆ