Վարդան Այվազյանի եղբոր գազալցակայանը հայտնաբերված խախտումների պատճառով փակվել է. «Իրավունք»
«Իրավունք» թերթը գրում է. «Իրավունքի» տեղեկություններով՝ Չարենցավան քաղաքում փակվել է ՀՀԿ պատգամավոր Վարդան Այվազյանի եղբոր՝ Գագիկ Այվազյանին պատկանող գազալցակայանը։ Ըստ շրջանառվող լուրերի՝ գազալցակայանի փակման պատճառը պատկան մարմինների հայտնաբերած խախտումներն են։
Թե երբ նորից կգործի գազալցակայանը, ոչ ոք չգիտի, սակայն փաստ է գազալցակայաններում ստուգումները շարունակական բնույթ կունենան։ Գ. Այվազյանը նախկինում աշխատում էր ՀՀ կառավարությանն առընթեր անշարժ գույքի կադաստրի պետական կոմիտեում։ Նա եղել է Չարենցավանի տարածքային ստորաբաժանման ղեկավարը։ Սակայն, ըստ լուրերի, Գագիկ Այվազյանն արդեն մեկ տարի է, որ այնտեղ չի աշխատում։ «Գազպրոմ Արմենիա» ընկերության՝ գլխավոր մեխանիկ դառնալու Այվազյանի փորձը նախորդ տարի ևս ձախողվել է»:
Աղբյուր՝ http://armlur.am/484471/
