Աբովյանի և Մեղրու ավտոճանապարհներին մառախուղ է

ՀՀ տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ դեկտեմբերի 1-ին՝ ժամը 15:00-ի դրությամբ, Արթիկի, Ախուրյանի, Աշոցքի, Աբովյանի, Հրազդանի, Սևանի, Ճամբարակի, Ապարանի, Արագածի, Վանաձորի, Ստեփանավանի, Տաշիրի տրածաշրջանների ճանապարհներին ձյուն է տեղում:

Ինչպես տեղեկացրին ՀՀ տրանսպորտի, կապի և տեղեկատվական տեխնոլոգիաների նախարարության լրատվական ծառայությունից, Աբովյանի և Մեղրու ավտոճանապարհներին մառախուղ է, տեսանելիությունը՝ 80 մ:

Ախուրյանի տարածաշրջանի Ջաջուռի, Քեթիի և Վարդենյաց լեռնանցքներում տեղ- տեղ մերկասառույց է:

Նշված ճանապարհներին սպասարկող ճանապարհաշինական ընկերություններն իրականացնում են շուրջօրյա հսկողություն և կատարում մաքրման ու աղով, ավազով մշակման աշխատանքներ:

Միջպետական և հանրապետական նշանակության բոլոր ավտոճանապարհները բաց են:

Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել բացառապես ձմեռային անվադողերով։

Աղբյուրը՝  http://www.1in.am/2055665.html